FlyOver Iceland notar nýjustu tækni til að veita þér raunverulega flugupplifun. Þú hangir í festingu fyrir framan 300 fermetra hnattlaga sýningartjald með fætur í lausu lofti og horfir á myndina okkar, sem fer með þig í æsispennandi ferðalag um Ísland. Tæknibrellur, þar á meðal vindur, þoka og lykt, ásamt hreyfingum búnaðarins gera þess upplifun ógleymanlega.
Áður en aðalsýningin hefst verða sýndar tvær myndir með ensku tali sem skoða hlutverk náttúrunnar, tímans og mannsins á þessari einstöku eyju. Eldfjöll og jöklar, víkingar, tröll og fleira – þetta er mögnuð upplifun.
STÍGÐU INN Í ÆVINTÝRAHEIM
Áður en flugferðin hefst verður þú umlukin töfrum Íslands. Flugleiðsögumennirnir okkar og tröllskessan SúVitra, leiða þig í gegnum tvö einstök ævintýri sem auðga ímyndunaraflið með sögum af Íslandi, Íslendingum og náttúruöflunum.
Áður en farið er af stað mun íslenski sögumaðurinn bjóða þér inn í forníslenskt langhús víkinga. Við ljómann af eldstæðinu mun hann flytja sögur sem birtast svo ljóslifandi í skuggamyndum.
Í Brunni Tímans kynnist þú umfangsmikilli sögu Íslands. Náttúruöflin og mannsandinn birtast þér ljóslifandi með aðstoð tónlistar, myndskeiða, myndefnis og tæknibrellna. Þetta er með leiðsögn SúVitru, persónu sem byggð er á þjóðsögum um tröll og er hönnuð af hinum ástsæla myndskreyti Brian Pilkington. Hún er ævaforn og táknar bæði íslenska visku og töfra landsins.
Sú vitra leiðir þig í gegnum þrjá mismunandi þætti. Fyrst upplifir þú orku landsins í gegnum kraftmikil, og gjarnan ofsafengin, náttúruöflin. Því næst kemur mannfólkið til sögunnar og tileinkar sér orðtiltækið „þetta reddast“. Loks sérð þú hvernig íslenska þjóðin hefur skapað sér líf á þessum harðbýla stað. Lífið heldur áfram, sama hvað gerist.
Börn verða að vera að minnsta kosti 100 cm á hæð. Börn (12 ára og yngri) verða að vera í fylgd með fullorðnum eða forráðamanni (14 ára eða eldri).
HVERNIG FLYOVER ICELAND VARÐ TIL
Sjáðu myndbandið um hvernig FlyOver Iceland varð til. Í hverjum kafla er farið yfir mismunandi áfanga í ferlinu við að búa til nýjustu afþreyinguna í Reykjavík.
